Thursday, 16 June 2011

அமராவதி சைனிக் பள்ளியில் ராணுவ தளபதி ஆய்வு

உடுமலை அமராவதி நகரில் உள்ள சைனிக் ராணுவப் பள்ளியில் ராணுவ தென் மண்டல தளபதி ஆய்வு மேற்கொண்டார் . பள்ளியில் சனிக்கிழமை நடைபெற்ற 108-வது நிர்வாகக் குழுக் கூட்டத்தில் பங்கேற்பதற்காக, தென் மண்டல ராணுவத் தளபதி (பொறுப்பு) மேஜர் ஜெனரல் என்.எஸ்.ஜாம்வால் வந்தார்.
அணிவகுப்பு மரியாதையை ஏற்றுக் கொண்ட அவர் , பள்ளியில் ஆய்வு மேற்கொண்டார். தொடர்ந்து பள்ளி நிகழ்வுகள் குறித்த கையேட்டை வெளியிட்டு அவர் பேசுகையில், மாணவர்கள் எந்த துறையைத் தேர்ந்தெடுத்தாலும், அதில் சாதனைபுரிய வேண்டுமென்ற முனைப்புடன் செயல்பட வேண்டும். வாழ்வில் முன்னேறுவதை லட்சியமாகக் கொள்ள வேண்டும் என்றார்.
மாவட்ட ஆட்சியர் மதிவாணன், உடுமலை வருவாய்க் கோட்டாட்சியர் ந.ஜெயமணி, பொதுப்பணித் துறை தலைமைப் பொறியாளர் சிவசங்கரன், மாவட்ட முதன்மைக் கல்வி அலுவலர் டி.ராஜேந்திரன், பெற்றோர்-ஆசிரியர் சங்கத் தலைவர் அனந்தகுமார் உள்ளிட்டோர் கலந்து கொண்டனர்.
ஏற்பாடுகளை பள்ளி முதல்வர் கேப்டன் சந்தீப் சக்ரவர்த்தி, தலைமை ஆசிரியர் விங் கமாண்டர் பி.ரவிக்குமார் மற்றும் ஆசிரியர்கள், நிர்வாக அலுவலர்கள் செய்திருந்தனர்.

No comments:

Post a Comment